Skip to main content

Pagli Ladki – Poem By Dr. Kumar Vishwas

Lyrics :

Amawas ki kaali raaton mein dil ka darwaja khulta hai,
Jab dard ki pyaali raaton mein gum ansoon ke sang hote hain,
Jab pichwade ke kamre mein hum nipat akele hote hain,
Jab ghadiyan tik-tik chalti hain, sab sote hain, hum rote hain,
Jab baar baar dohrane se saari yaadein chuk jaati hain,
Jab unch-neech samjhane mein mathe ki nas dukh jaati hain,
Tab ek pagli ladki ke bin jeena gaddari lagta hai,
Aur us pagli ladki ke bin marna bhi bhari lagta hai.
Jab pothe khali hote hain, jab har sawali hote hain,
Jab gazlen raas nahin aatin, afsane gaali hote hain.
Jab baasi feeki dhoop sametein din jaldi dhal jaata hai,
Jab suraj ka laskhar chhat se galiyon mein der se jaata hai,
Jab jaldi ghar jaane ki ichha mann hi mann ghut jaati hai,
Jab college se ghar laane waali pahli bus chhut jaati hai,
Jab beman se khaana khaane par maa gussa ho jaati hai,
Jab lakh mana karne par bhi paaro padhne aa jaati hai,
Jab apna har manchaha kaam koi lachari lagta hai,
Tab ek pagli ladki ke bin jeena gaddari lagta hai,
Aur us pagli ladki ke bin marna bhi bhari lagta hai.
Jab kamre mein sannate ki awaj sunai deti hai,
Jab darpan mein aankhon ke neeche jhai dikhai deti hai,
Jab badki bhabhi kahti hain, kuchh sehat ka bhi dhyan karo,
Kya likhte ho dinbhar, kuchh sapnon ka bhi samman karo,
Jab baba waali baithak mein kuchh rishte waale aate hain,
Jab baba humein bulate hain, hum jaate hain, ghabrate hain,
Jab saari pahne ek ladki ka ek photo laya jaata hai,
Jab bhabhi humein manati hain, photo dikhlaya jaata hai,
Jab saare ghar ka samjhana humko fankari lagta hai,
Tab ek pagli ladki ke bin jeena gaddari lagta hai,
Aur us pagli ladki ke bin marna bhi bhari lagta hai.
Didi kahti hain us pagli ladki ki kuchh aukat nahin,
Uske dil mein bhaiya tere jaise pyare jasbat nahin,
Woh pagli ladki nau din mere liye bhooki rahti hai,
Chup-chup saare vrat karti hai, par mujhse kabhi na kahti hai,
Jo pagli ladki kahti hai, main pyar tumhi se karti hoon,
Lekin mein hoon majboor bahut, amma-baba se darti hoon,
Us pagli ladki par apna kuchh adhikar nahin baba,
Yeh katha-kahani kisse hain, kuchh bhi to saar nahin baba,
Bas us pagli ladki ke sang jeena fulwari lagta hai,
Aur us pagli ladki ke bhin marna bhi bhari lagta hai

~ Dr. Kumar Vishwas

Comments

Post a Comment

Popular posts from this blog

Exploring Node.js Internals

I found a great article explaining Node JS internals, must read : https://www.smashingmagazine.com/2020/04/nodejs-internals/ Some other articles : Introduction to Node.js Being an official website, Node.dev explains what Node.js is, as well as its package managers, and lists web frameworks built on top of it. “ JavaScript & Node.js ”,  The Node Beginner Book This book by  Manuel Kiessling  does a fantastic job of explaining Node.js, after warning that JavaScript in the browser is not the same as the one in Node.js, even though both are written in the same language. Beginning Node.js This beginner book goes beyond an explanation of the runtime. It teaches about packages and streams and creating a web server with the Express framework. LibUV This is the official documentation of the supporting C++ code of the Node.js runtime. V8 This is the official documentation of the JavaScript engine that makes it possible to write Node.js with JavaScript.

Tum mujhko karna maaf priye – Poem By Dr. Kumar Vishwas

Lyrics : O kalp-vraksh ki son-juhi, O amal-tas ki amar kali Dharti ke aatap se jalte, Man par chaayi nirmal badli Main tumko madhu-sad-gandh yukt, sansaar nahi de paunga ! Tum mujhko karna maaf priye main pyar nahi de paunga !! Tum kalp-vraksh ka fool aur Main dharti ka adna gayak Tum jeewan ke upbhog yogya Main nahi adhuri gazal shubhey Tum saam-gaan si pawan ho Himshikharon par sehsa kaundha Bijuri si tum man bhawan ho Isliye vyarth shabdo wala, vyapar nahi de paunga ! Tum mujhko karna maaf priye main pyar nahi de paunga !! Tum jis shaiya par shayan karo, Veh sheer sindh si pawan ho Jis aangan ki ho maul-shree Veh aangan kya vrandawan ho Jin adhron ka chumban pao Veh adhar nahin ganga tat ho Jiski chaya ban saath raho Veh vyakti nahin vanshi-vat ho Par main vat jaisa saghan chaaon ,vistaar nahin de paunga ! Tum mujhko karna maaf main pyar nahi de paunga !! Main tumko chand sitaron ka Saupun uphar bhala kaise Main yayavar banjara sadhu sur-sansar bhala kaise Main jeewan